Последиците од импресивната Сончева бура во текот на ноќта ќе се почувствуваат и на Земјата, и би можеле да ги загрозат електричните мрежи, сателитските навигациони системи и авионските летови.

Прогнозерите во американскиот Центар за прогноза на времето во вселената навеле дека ерупциите на Сонцето се случиле синоќа, а дека првите ефекти на Земјата би можеле да се почувствуваат утре наутро околу шест часот по средноевропско време.

Американските прогнозери навеле дека тоа е најголемата Сончева ерупција во последните пет години и дека се очекуваат нови експлозии.

Магнетната бура има потенцијал да го прекине снабдувањето со електрична енергија. Нејзините радио емисии можат да ги оштетат глобалните системи за навигација (GPS), така што ќе бидат помалку прецизни. Таа исто така може да ги оштети сателитите.

Научниците навеле дека проблемите со комуникацијата и радијацијата, предизвикани од бурата, најверојатно ќе ги натераат авионите да ги избегнуваат Северниот и Јужниот пол. Поларната светлина исто така би можела да биде многу посилна.