Силна соларна бура денес ќе стигне до Земјата и би можела да ги поремети енергетските системи, сателитската навигација и авионските рути...
Соларната бура, која ќе биде најсилна во последните шест години, до магнетното поле на Земјата ќе стигне во четврток.
Ова ќе биде најверојатно најсилната соларна бура во шест години и ќе биде многу поинтензивна од онаа која стигна до Земјата во јануари, рече Џозев Кунчес од американската национална администрација за океани и атмосфера.
Ослободената енергија односно честичките се движат кон Земјата со брзина од 6.400.000 километри на час, два пати побрзо од вообичаеното. Кунчес предвидува дека бурата би можела да трае до петок наутро. Би можела да ги поремети електромрежите, сателитската навигација и некои воздушни рути. Нејзината сила најголема ќе биде во поларните краеви.
