Спротивно на закоравеното мислење, по шеесетата година се спие сè подобро, открива истражувањето спроведено на 155.000 луѓе во Америка.

Авторите на студијата, чии резултати оваа недела се објавени во списанието Sleep, утврдиле дека осумдесетгодишниците најмалку се жалат на проблеми со соновите.

Проблеми со спиењето најмногу имаат личностите на возраст меѓу 40 и 59 години, посебно жените, но по шеесетата година тие проблеми полека исчезнуваат.

„Резултатите се во спротивност со она што обично се мисли“, вели д-р Мајкл Гарднер, научник во универзитетот во Пенсилванија и главен автор на студијата.

Тој за тоа наведува неколку објаснувања. Познато е дека општата здравствена состојба е тесно поврзана со квалитетот на сонот, како и дека личностите со послабо здравје имаат помали изгледи да доживеат длабока старост, објаснува тој.

Возрасните луѓе во помлади години соочени се стресни ситуации било на факултет, на работно место, во семејството или, во случајот на жените, во менопаузата, што може да им го поремети сонот, додава д-р Гарднер.