Руските научници успеале да одгледаат билка од плод кој бил замрзнат повеќе од 30.000 години.

Плодот е пронајден на крајбрежјето на реката Колиме во Сибир, на место на кое веќе со години се бараат коски од мамут, а тимот на Институтот за странична биофизика успеал од тој плод да ја одгледа билката Silene stenophylla од семејството каранфили.

Успехот на руските научници е објавен во списанието Proceedings of the National Academy of Science во кое е истакнато дека ова е најстарата билка која некогаш успеале да ја „оживеат“. За жал, водителот на тимот, професор Дејвид Гилчински, починал само неколку дена пред објавувањето на оваа известување.

Во извештајот стои дека на крајбрежјето на реката Колиме се пронајдени седумдесетина дувла во кои верверички ја поминувале зимата. „Дувлата се пронајдени на длабочина од 20-40 метри меѓу слоевите земја во која се пронајдени и коски од мамути, бизони, елени и останати големи цицачи типични за периодот пред од прилика 30.000 години“, стои во извештајот.

Се чини дека плодот сите овие 30.000 години бил замрзнат, а клетките на ткивото биле полни со шеќер, што делувало како своевиден конзерванс.