Сателитот Mars Express на Европската вселенска агенција (ESA), кој се наоѓа во орбитата околу црвената планета, испратил нови силни докази за постоењето на океан на Марс пред 3 милијарди години...
Mars Express користејќи го својот радар, кој продира и до 80 метри под површината на Марс, открил наслаги од седименти, кои потсетуваат на дно и рабови од океан.
"Ние тоа го гледаме како наслаги на седименти, можеби богати со мраз. Тоа е и новата силна индиција дека таму еднаш постоел океан", истакнал Џереми Моугинот од универзитетот Калифорнија во Ирвин.
Научниците одамна шпекулираат за постоењето на океан на Црвената планета. Се претпоставува дека имало два океани, еден пред четири, а вториот пред 3 милијарди години. Радарот кој сателитот на ESA го користи се вика MARSIS и може да продре 80 метри под површината на Црвената планета, а научниците до таа длабочина пронашле слоеви на седименти и мраз.
