Американските научници објавиле дека со прегледот на крвта може да се процени дали некоја личност ќе доживее 100 години, и тоа со 60 до 85 проценти точност.

Професионалците од Бостонскиот универзитет ја проучувале ДНК-та на 801 стогодишници паралелно со контролна група од 914 здрави личности со различна старост при што утврдиле постоење на 281 генетски варијации кај групата стогодишници.

Генетските маркери им овозможиле на научниците да го направат прегледот со кој ќе предвидат дали можат луѓето да живеат повеќе од 100 години со точност меѓу 60 и 85 проценти.

Точноста на резултатите се зголемува со староста на испитаникот, што значи дека, колку е постара личноста која се тестира, толку поиздржан е резултатот за тоа колку долго ќе живее.

Научниците сметаат дека изолацијата на ДНК обележјата на стогодишниците може да помогне во пронаоѓање на нови начини на лечење на болестите како што се деменција, срцеви болести и така натаму.

Откритието сугерира дека генетиката игра многу поголема улога во долговечноста отколку што претходно се сметаше, но научниците ја истакнуваат важноста на начинот на живот и исхрана.