Eвропските научници создале многу смртоносен вирус на птичјиот грип во лабораторија, кој има потенцијал да зарази и убие милиони луѓе...

Контроверзното истражување на новиот вид на птичји грип го направиле Холандски истражувачи во медицинскиот центар Erasmus во Ротердам, но некои нивни колеги го поставиле прашањето дали таквите истражувања треба да се направат во цивилна лабораторија, или пак во воена установа.

Нивното откритие предизвика страв во американската влада околу тоа дека овој вирус може да дојде во рацете на терористи, кои би можеле од тоа да произведат ново биолошко оружје за масовно уништување.

"Најлошото сценарио во овој случај е полошо од најлошото што може да се замисли", изјави анонимен независен научен советник на американската влада.

"Стравот е поради тоа што ако создадете нешто толку смртоносно и ако тоа прерасне во глобална пандемија, смртноста и трошокот за целиот свет ќе бидат огромни", додал истиот извор.

Она што холандските научници го направиле, е дека мутирале H5N1 вирус, кој може лесно да се пренесе преку воздухот преку кашлање и кивање. Досега се веруваше дека ширењето на вирусот H5N1 се пренесува помеѓу луѓето само со многу близок физички контакт. Истите научници веруваат дека тоа ќе им овозможи сознанија околу тој вирус во развојот на нови вакцини и лекови против грип.