Телескопот VLT (Very Large Telescope) на Европскиот јужен опсерваториум во Чиле ја снимил најбрзата ѕвезда во вселената.

Масивната ѕвезда VFTS 102 се наоѓа во големиот Магеланов облак на оддалеченост од 160.000 километри од Земјата и се движи со брзина поголема од два милиони километри на час.

Таа брзина е речиси 300 пати побрза од брзината со која Сонцето се движи низ вселената, а толку е голема што е многу блиску до точка во која таа ѕвезда би можеле да ја растргнат центрифугалните сили.

VFTS 102 има маса 25 пати поголема од Сонецето и е дури 100.000 пати посветла од нашата ѕвезда. „Неверојатната брзина на ротација и необичното движење во споредба со околните ѕвезди не натера да се запрашаме дали таа ѕвезда имала необичен почеток на животот. Бевме сомничави“, појасни Филип Дафтон од универзитетот Queen's во Белфаст, Сверна Ирска.

Астрономите претпоставуваат дека VFTS 102 е побегната ѕвезда, која е исфрлена од таканаречен бизарен систем (систем со две ѕвезди кои ротираат една околу друга), откако нејзиниот партнер експлодирал како супернова. На тоа му одат во прилог два докази, пулсарот и остатокот од супернова во близина.