Администрацијата на Обама неодамна службено одговори на петицијата на граѓаните на САД со која барале одговор на прашањето дали постојат докази за контакт со вонземјанци.

„Американската влада нема докази за постоење живот надвор од нашата планета или дека имало било какво вонземско присуство во контакт со било кој член на човечкиот вид“, гласело службеното соопштение од Белата куќа.

Но, според мислењето на Џејкоб Хак-Мисра и Рави Кумар Копарапуа од универзитетот Пен Стејт, вонземјанците би можеле да бидат во нашето вселенско соседство, но ние едноставно да не ги гледаме. „Големината на вселената, во комбинација со фактот дека нашата потрага до сега беше ограничена, не доведува до заклучок дека безпилотни летачи со вонземско потекло веројатно би поминале незабележано“, пишуваат во своето истражување.

Имено, инструментите кои научниците денеска ги користат во потрагата по вонземски живот, многу тешко можат да распознаат нешто на помалку од 10 метри. Со други зборови, вонземски вселенски брод со големина на мала јахта би можел да плови по вселената во наша близина, но ние едноставно не би можеле да го видиме.

Истото би вредело и за потенцијалната вонземска цивилизација од прилика на наше технолошко ниво. Сондите кои NASA во 60-тите и 70-тите години ги испрати во вселената, едноставно биле премали за било кој или било што да ги воочи. Двајца научници исто така додаваат дека постои шанса предметите од вонземско потекло да се наоѓаат и на нашата планета. „Површината на земјата е едно од малобројните места во нашиот Сончев систем кои сме го истражиле со резолуција од помалку од 1 метар“, велат.

Сепак, додаваат дека дури и во 21 век на Земјата често се откриваат нови работи под морето, во густите прашуми и во длабоките пештери. „Потполноста на нашата потрага по неземски објекти сигурно ќе се подобри како што продолжуваме да ја истражуваме Месечината, Марс и останатите делови на вселената во наша близина, стои во заклучокот на нивното дело.