Американски професор кренал прашина, правејќи анализа за можен удар на астероид во Месечината. Открил дека такво нешто би имало катастрофални последици за сите живи суштества на планетата...

Само што помина астероидот YU55 покрај Земјата, за чудо без последици, се јавиле нови катаклизмички теории, според кои астероиди во иднина можат да бидат се поблиску така што ќе ја погодат Земјата или Месечината а со тоа и да го уништат животот на Земјата.

Професорот Нил Ф.Коминс од американскиот универзитет во Мејн направил "црна" анализа, обидувајќи се да одговори на прашањето како Земјата би изгледала ако Месечината биде уништена во ваков судар.

Се наведува дека тогаш единственото гравитационо влијание Земјата би го добивала од Сонцето, а нашата планета околу својата оска ќе се движи многу побрзо отколку сега. Со побрзо движење, би се зголемиле и ветровите, и би се скратил денот на само осум часа. Биолошките часови на сите живи суштества би биле во целост пореметени со новите дневни циклуси на планетата.