Астрономите во соѕвездието Бик успеале да го фотографираат она за што веруваат дека е нова планета во орбитата околу младата ѕвезда, која уште е во процес на формирање...

Автор на откритието е Адам Краус, млад астроном од универзитетот Хаваи, во соработка со Мајкл Ајрлан од австралискиот универзитет Маквари, извести американската TВ мрежа ABC News. Тие ја означиле планетата како LkCa 15 b, а ако се во право, тоа е најмладата планета која досега е откриена.

„LkCa 15 b е најмладата планета која досега е пронајдена, околу пет пати помлада од претходниот рекорд“, рече Краус во соопштението со кое го објави откритието.

„Во минатото, не би можеле да мериме феномен од таков вид, затоа што се случува толку близу до ѕвезда. Но, за прв пат бевме во можност директно да ја мериме самата планета, како и правливата материја околу неа“, додаде.

„Кога би можеле да дојдеме навистина близу до планетата, би виделе дека всушност е сферична гасовите кугла како Јупитер или Сатурн“, рече Краус за ABC News. „Нашите набљудувања се чини дека покажуваат колку прилично далеку има отидено во процесот на формирање - тоа не е само облак, би требало да има препознатливи површини и сè друго.“

LkCa 15 b се наоѓа 450 светлосни години од Земјата, а околу 11 пати е оддалечен од ѕвездата околу која кружи, отколку што сме ние од нашето Сонце.

Планетата е џиновска, веројатно околу шест пати поголема од Јупитер, а според Краус има околу два милиони години и уште е бебе. За споредба, Земјата во таа фаза на формирање била пред 4,6 милијарди години.

Двајцата истражувачи деталите од своите откритија ќе ги објават во списанието Astrophysical Journal, а потоа други астрономи ќе видат дали тие можат да откријат повеќе детали.

„Сфативме дека откривме гасовита планета многу поголема од Јупитер, и дека можеме да ги мериме правот и гасовите што ја опкружуваат. Пронајдовме планета на самиот почеток“, рече Краус.