Научниците од универзитетот Дјук развиваат технологија која на личностите парализирани по повредите на вратните пршлени би можела да им го врати чувството на допир...

Група научници од американскиот универзитет Дјук соопшти дека е на пат да развие протеза која ќе им овозможи на личностите чии раце и нозе се одземени по повреда на вратниот пршлен да им се врати чувството на допир.

Тие претходно направиле експеримент, во тек на кој мајмуните, благодарение на електродите фиксирани за главата, можеле да ја почувствуаат текстурата (составот, материјалот) на виртуелни предмети кои требало да ги дофатат.

Коментирајќи ги резултатите, објавени во британското научно списание Nature, водачот на истражувањето Мигел Николелис рекол дека таа технологија би требало да им помогне на квадриплегичните.

Техниките кои помагаат мислата да се претоври во акција, со „фаќање“ на одредени мозочни бранови, веќе им помогнале на хендикепираните личности да ги придвижуваат количките, да го палат телевизорот, да пишуваат по екран, но тие инферфејси мозок-компјутер, сè уште во експериментална фаза, не овозможуваат чувство на допир, наведе Николелис.