Астрономите ја пронашле првата комета која содржи вода слична на океанската, што силно ја поддржува тероијата дека вселенските тела биле значаен извор на вода за „жедната“ Земја во првите фази на нејзиното настанување...

Големата температура на планетата, веднаш по нејзиното формирање, би довела до многу брзо испарување на првобитната вода и научниците веруваат дека океаните настанале околу осум милиони години подоцна. Прашањето е: од каде стигнала водата пресудна за живот на Земјата?

Поранешните анализи на примероците лед од кометата покажале дека тие не можеле да донесат повеќе од 10% од денешните океани, затоа што хемиските „отисоци“ не одговарале. Но, професионалците од германскиот институт Max Planck утврдиле дека кометата 103Р/Hartley 2 има ист хемиски состав како океаните на Земјата.

Тоа откритие значајно ја зголемува количината на вода која можела да стигне преку кометите, составени од камен и мраз со караткеристични „опашки“ од гасови и прашина. Пораните модели покажувале дека најголемиот дел од водата на Земјата стигнал преку астероиди.

Во случајот на Hartley 2, научниците користејќи се со инфрацрвени инструменти отриле дека има речиси идентичен „D/H“ како и морската вода. D/H го покажува делот на деутериумот или тешкиот водород кој има еден додаден неутрон, во однос на обичниот водород од водата.