Вселенската агенција NASA објави фотографии од Сонцето кои ги направил сателитот SDO (Solar Dynamics Observatory Satellite)...

Фотографиите кои ги објави вселенската агенција ни овозможуваат да видиме работи кои се невидливи за човечкото око, како ултравиолетовото зрачење, а кои ни покажуваат „како всушност функционира нашата ѕвезда“.

Соларната лабораторија SDO, која секојдневно праќа по еден терабајт информации, поставена е во орбита на висина од 36.000 километри над Земјата, а водачот на проектот, научникот Дин Песнел, тврди дека „веќе покажал дека мораме да ги промениме постоечките теории за тоа како ‘функционира’ Сонцето“.

На фотографиите се гледат детали како материјал кој „сјае“ од ѕвездата, поточно, сончеви пеги, движењето на сонцето како и соларните бури на површината.

„Мисијата“ на сателитот трае пет години и за тоа време би требало да помогне при испитувањето на магнетното поле на Сонцето, за научниците да ги сфатат негативните последици врз комуникациските сателити. Цената на мисијата изнесува 855 милиони долари.