Летачки тепих навистина постои. Направен е во лабораторијата на универзитетот Пристон...

Првиот минијатурен волшебен тепих направен од пластика, полетал во лабораторијата на универзитетот Пристон, со помош на електрични бранови.

Станува збор за лист „паметна“ пластика, со должина од 10 сантиметри, која ја придвижуваат електрични бранови кои со долната страна праќаат малечки „џепови“ воздух од напред кон назад.

Прототипот се движи со брзина од околу еден сантиметар во секунда, а со понатамошно унапредување на дизајнот би можела да се достигне брзина од еден метар во секунда.

Креаторот на овој уред е дипломираниот студент Ноа Џаферис. Прототипот засега има ограничен домет затоа што е приврзан за тешки батерии, така што може да се придвижи само неколку сантиметри.

Меѓутоа, младиот научник објаснил дека веќе работи на унапредување на моделот кој ќе се движи на соларна енергија и ќе може слободно да прелетува поголеми далечини.