Бразилските научници супстанцата ја добиле од амазонската билка и успешно ја испитале на клетките на ракот, и е достигнување што може да се користи во производство на поефикасни и помалку токсични лекови против овие болести, изјави еден научник...

"Откривме еден вид микро-организми кои живеат во една билка, ги издвоивме и добивме супстанца која ја тестиравме на клетките на ракот и заклучивме дека делува на некои видови рак", рекол научникот Руди Проципио во вторникот за агенцијата France Presse, кој е координатор во центарот за биотехнологија во Амазон (CBA).

По првата фаза на тестирање супстанцата ќе се тестира на животни, а потоа на луѓето.

Проципио не сакал да го открие името на билката ниту на кои тумори се вршело испитување, пред да биде се готово. CBA која е финансирана од страна на бразилската влада работи на овој проект со американската експериментална онколошка лабораторија.

Методите за лекување на ракот, кои денес се применуваат (хемотерапија и зрачење) се токсични и предизвикуваат бројни несакани ефекти.