Научниците од американскиот универзитет Беркли успеале да развијат систем кој овозможува визуелните активности во мозокот да се фатат и реконстуират како дигитални видеозаписи. Тоа еден ден би можело да ни овозможи да ги видиме сопствените сонови...

Авторот на истражувањето, Џек Галант вели дека тоа е голем чекор кон реконструкција на менталните слики. „Отворивме прозорец кон филмовите во нашите умови“, вели тој.

Оваа техника се темели на снимањето со магнетна резонанса (MRI). На учесниците во истражувањето им се прикажувани разни холивудски филмови, а MRI го снимал протокот на крвта низ нивниот визуелен контекст. Снимениот материјал со помош на компјутер е поделен во тродимензионални пикселни единици наречени воксели (волуметрички пиксели).

Од сите филмови, компјутерската програма ги одбирала само оние кои предизвикувале мозочна активност слична на онаа што испитаниците ја гледале, а потоа ги комбинирала во еден конечен филм.

Добиените видео материјали имаат лоша резолуција, но сепак одговараат на записите кои ги гледале учесниците во истражувањето.

Погледнете како сето тоа изгледа со пример на тројца испитаници.