Експерти на НАСА за вселенскиот отпад дале прецизни прогнози за падот на џиновскиот сателит со откажани функции, по кои 5.7 тони тешкото летало треба да удри во Земјата на 23 септември, ден порано отколку што се предвидувало порано, известува американската ТВ мрежа CBS News...

Дисфункционалниот сателит за истражување на горните слоеви на атмосферата - UARS, лансиран е во 1991 година а исклучен е во 2005 година откако ја завршил мисијата. Се очекувало дека сателитот ќе падне на Земјата оваа година, а експертите првобитно известиле дека тој ќе падне една недела кон крајот на септември и почетокот на октомври, а потоа тоа било сведено на последната недела од овој месец.

Сега според анализите на НАСА, сателитот би требало да падне за три дена. "Сателитот во атмосферата треба да влезе на 23 септември, плус или минус еден дена, поради големата пораст на соларната активност од почетокот на оваа недела", рекла портпаролката на НАСА, Бет Дикеј на научниот портал space.com. Но каде точно ќе биде падот на сателитот сеуште не е познато.

НАСА очекува дека најмалку 26 големи парчиња од масивниот сателит ќе ги преживеат високите температури на атмосферскиот влез и ќе стигнат до површината на Земјата. Делови од титан и резервоарите за гориво можат да бидат парчињата од сателитот, но UARS не носи токсични горива.

Кликнете ОВДЕ за следење на моменталната состојба на сателитот.