Неандерталецот пред 150.000 години јадел морски плодови, баш како и човекот, објавено е во истражувањето на унверзитетот во Севили...
Научниците во пештерите Торемолинос и Баџондило, на југот од Шпанија, на неандерталското наоѓалиште пронашле остатоци од школки, што докажува дека неандерталецот јадел морски плодови. Тоа пак, е спротивно од досегашната теорија според која единствено homo sapiens јадел рибал, што, како што се тврди, му овозможило многу побрз развој на мозокот и експанзијата во човек.
Откритието од Шпанија речиси е современик на доказот дека homo sapiens пред 164.000 години јадел школки и риби, како што е утврдено со откритието во Pinnacle Point во Јужноафриканската Република.
„Бројни научници оценуваат дека конзумирањето на плодовите од морето е една од навиките кои го дефинираат модерниот човек и која овозможува експанзија на homo sapiens. Но, најновите откритија покажуваат дека во истиот момент, homo sapiens на југот од Африка и неандерталецот на Иберискиот полуостров, имале исти навики“, рече Франциско Џименз Еспехо, од институтот за научни истражувања.
Неандерталецот се појавува околу 320.000 година пред нашата ера, а последните примероци од тој изумрен вид во сродство со модерниот човек живееле околу 30.000 години пред нашата ера. Едно од најпознатите наоѓалишта на остатоци од неандарталци во светот се наоѓа на Хушњаковиот брег кај Крапина. Друго важно наоѓалиште на доцен неандерталец (33.000-32.000 години пред нашата ера) е пронајдено во пештерата Виндија кај Вараждина.
