Жителите на Европа се многу склони кон ментални и невролошки болести - 165 милиони од нив, или 38% од популацијата, страдаат од депресија, анксиозност, несоница или деменција, покажува едно скорешно истражување...
Со ова тригодишно меѓународно истражување, со кое раководел Ханс Улрих Витшен, директор на Институтот за клиничка психологија и психотерапија во универзитетот во Дрезден, биле опфатени жители од 27 држави од ЕУ и граѓањни од Швајцарија, Норвешка и Исланд, односно популација од 514 милиони.
Утврдено е дека само третина од ментално оболените прима терапија или потребните лекови, па и поради тоа економско-социјалните трошоци на овие оболени се мерат со стотина милијарди евра, бидејќи оболените често стануваат неспособни за работа.
„И кога се прима терапјато, тоа обично е со неколку години задоцнување, при што често не се користат најпрепорачливите лекови“, истакнува Витшен, додавајќи дека и многу фармацевски фирми нерадо вложуваат во истражувањето за тоа како мозокот функционира и како менталните пореметувања влијаат на однесувањето на луѓето.
Последната претходна анализа на менталните пореметувања во ЕУ е објавена во 2005 година, а опфатила околу 301 милион жители, при што е утврдено дека 27% од тогашната популација на ЕУ страдала од ментални болести.
Тогаш проценетите трошоци на невролошки пореметувања во ЕУ изнесувале околу 386 милиони евра годишно.
Учесниците во најновото истражување истакнуваат дека е од голема важност да се утврдат начините на порана идентификација на потенцијални пациенти со ментални пореметувања, за лечењето да почне што е можно порано и да даде подобри резултатит, и помеѓу другото да ја зачува работната способност на оболените.
