Hubble ни нуди увид во тајните на вселената...

Тим научници кои ја следат работата на теелескопот Hubble на NASA во Земјината орбита, успеале да соберат доволно фотографии со висока резолуцика за да направат видео прикази од силни млазови кои ги исфрлуваат три млади ѕвезди во вселената.

Тие млазови се нуспродукт на зголемувањето на гасовите околу новосоздадените ѕвезди, а во отворената вселена се исфрлуваат со суперсонични брзини. Тој феномен дава и значаен увид во конечните стадиуми на формирање на ѕвездите, а нуди и поглед во тоа како нашето Сонце настанало пред 4,5 милијарди години.

Острината на фотографиите кои ги снимил Hubble им дозволува на научниците да ги следат тие млазови во тек на долга низа години. Многу астрономски појави и преоцеси се менуваат по временска табличка која во поголемиот број случаи го надминува просечниот човечки живот. Поради тоа, ова е единствен увид во конечното создавање на ѕвездите.