Првиот хуманоиден робот астронаут - Робонаут 2 или R2, кој американската вселенска агенција NASA го испрати во февруари оваа година, во вселената се разбуди во четврток на Меѓународната вселенска станица (MSS) и веќе го испрати својот прв твит...
„Овие електрони пружат ДОБРО чувство! Мал човек за човештвото, но огромен скок за лимениот вид“, порача R2 преку својот профил @astrorobonaut.
R2 веќе има 40.000 следбеници со кои активно „комуницира“, одговарајќи на прашања и праќајќи роденденски честитки.
Како што пренесува BBC, R2 на MSS во февруари го донел спејс шатлот Discovery за да им помага на астронаутите во секојдневните активности во и надвор од страницата.
R2 тежи 136 килограми, има торзо, две раце и дланки како човечките и златен шлем со четири камери наместо очи и инфрацрвена камера во устата.
„Лимениот“ се уште нема нозе, и засега ќе остане врзан на фиксно место, иако NASA планира во скоро време да го опреми и со нозе за да може да се движи низ ходниците на MSS.
Инженерите планираат во иднината R2 да го монтираат на лунарниот ровер Centaur 2 за истражување на површините на Месечината и Марс.
Моментално на Земјата постојат четири Робонаути, но R2 технолошки е далеку најунапреден - побрз е, покомпактен, повешт и сензорски опремен.
R2 е пред се дизајниран за да се тестира ефикасноста на роботот во бестежинска состојба. Меѓутоа, NASA се надева дека роботот наскоро ќе може да излезе од вселенската станица за да им помага на своите човечки колеги за време на вселенските прошетки.
NASA и General Motors на проектот хуманоиден робот работеле цели 15 години.
Николас Радфорд, менаџер на проектот во Хјустон, на R2 му даде највисока оценка, наведувајќи дека робонаутот за десетина би требало да почне да ги движи прстите, дланките и рацете.
Спиел повеќе од година дена, па прво мора да се „протегне“. Како што членовите на екипажот мораат да се навикнат на бестежинска состојба, така и роботот мора најпрво да научи да се движи во новото опкружување, објаснува Радфор.
