Старата теорија дека луѓето кои се на големи маки можат да побелат преку ноќ сега ја потврдија и научниците: косата навистина побелува од стрес...

Кога работите ќе тргнат надолу, во нашето тело почнуваат да се излачуваат хемикалии кои ја оштетуваат нашата ДНК, не прават да изгледаме постари и го зголемуваат ризикот од болести.

Кај глувчиња на кои им е даден стимуланс сличен на адреналинот поради предизвикување на стрес, воочено е намалување на нивото на протеинот p53, познат и како „чувар на геномот“, кој организмот го одржува здрав така што ги спречува појавување на аномалии кај клетките.

„Ова би можело да пружи веродостојно објаснување како хроничниот стрес може да доведе до низа пореметувања, од промена на нашиот надворешен изглед, како седа коса, до болести опасни по животот како што е ракот“, објаснува авторот на студијата, др. Роберт Лефкович од универзитетот Дјук во Северна Каролина.

Истражувачите, чии резултати се објавени во британското списание Nature, отриле за време на своите експерименти молекуларен механизам преку кој адреналинот ја уништува нашата ДНК.

„Студијата покажа дека хроничниот стрес доведува до намалување на нивото на протеинот p53. Мислиме дека тоа е причин за хромозомските неправилности кои ги откривме кај глувчињата изложени на постојан стрес“, рече ко-авторот на студијата, др. Макото Хара.