Homo erectus, изумрениот предок на модерниот човек кој живеел пред 1,9 милиони години, готвел храна, открива новото истражување...

Единствен меѓу животните, човекот конзумира многу готвени намирници и неговите предци, благодарение на таквата прехрана, внесувале повеќе калории кои им давале повеќе сила и им овозможувале подолг живот. Но, научниците до сега не можеа со сигурност да одредат кога готвењето на намирниците почнало да има значајно биолошко влијание на предците на Homo sapiens.

Со помош на филогенеза, проучувањето на сродноста меѓу суштествата за да се разјасни еволуцијата, авторите на истражувањето, меѓу кои и Крис Орган, биолог од Харвард, го одредиле моментот кога човекот и другите примати почнале да се хранат. „Утврдивме дека модерниот човек посветува помалку време на хранењето, 4,7% од секојдневните активности, од другите примати кои тоа го прават 48% од времето“, рече.

Таа разлика упатува на тоа дека до нагли промени во еволуцијата на прехрамбените навики кај човечкиот вид дошло по раздвојувањето од шимпанзата пред некои шест милиони години. Homo erectus така покажува големо намалување на катниците кое продолжило понатаму, иако неправилно, кај Homo sapiens. „ДОкажавме дека намалувањето на катниците на првите човекови претци, Homo habilis и Homo rudolfensis, се објаснува само со еволуцијата на големината на телото“, наведуваат научниците во статијата објавена во Аналите на американската национална академија за наука оваа недела.

Но, намалувањето на катниците меѓу Homo erectus, човекот од Неандерталот и Homo sapiens не може да биде резолтат само на еволоцијата на черепот и големината на телото, истакнуваат. „Нашите резултати покажуваат дека намалувањето на катниците е последица попрво на прилагодување на готвената и обработена храна, што значително го намалувало времето за хранење, а тај процес почнал со Homo erectus пред 1,9 милиони години“, заклучија.