Научниците од Холандија наводно развиваат човечка кожа отпорна на куршуми...

Научниците во производувањето на „суперкожа“ користат генетски модифицирано козјо млеко кое ги има истите протеини како и пајаковата свила. Кога тие протеини ќе се извадат, може да се исткае во материјал кој е десет пати посилен од челик. Вкрстувањето на тој материјал и човечка кожа би можело да резултира со можен спречувач на куршуми од огнено оружје, изјави научничката Џалија Есајди.

Целта на таа група научници е креатинот од човечката кожа да го заменат со пајакова свила, за кожата да стане поотпорна. Таа потсети дека свилата со векови била користена во борбите и дека дури и големиот освојувач Џингис Кан своите коњаници ги опремувал со панцири од пајакова свила, затоа што стрелата во допир со свилата не се крши, што го олеснува нејзиното вадење од телото.

„Замислете сега панцир од пајакова свила кој е отпорен на куршуми“, додава Есајди. „А сега да тргнеме уште понатаму. Зошто да се мачиме со панцир. Замислите да го замените кератин, протеинот одговорен за силата на човечката кожа, со протеин од пајаковата свила. Тоа е можно со додавање на гени од пајаци кои произведуваат свила наместо човечките гени, со што се создава човек отпорен на куршуми“, објаснува таа.