Планетата која се врти околу далечна ѕвезда, е поцрна од јаглен и одразува под 1% од светлината на Сонцето, што ја осветлува, покажува истражувањето објавено од Кралското астрономско друштво на Велика Британија...

Чудната планета TrES-2b, составена од гас, е со големина на Јупитер. Нејзината орбита е близу до ѕвездата GSC 03549-02811, која се наоѓа на околу 750 светлосни години кон соѕвездието Змеј.

"TrES-2b има значително помала способност да одразува сончева светлива од црната акрилна боја, така што ова е навистина еден непознат свет", изјави Дејвид Кипинг од центарот за астрофизика Харвард.

Планетата, која била забележана за прв пат пред пет години, се врти околу својата ѕвезда на растојание од 5 милиони километри. Ова е многу поблиску во споредба со растојанието од 150 милиони километри меѓу Земјата и Сонцето.

Топлината е толку силна, што атмосферата на оваа егзопланета можеби е загреана до 1000 степени Целзиусови.