Погледнете ја најголемата соларна бура во последните четири години...

НАСА ја забележила најголемата соларна бура во последните четири години, која не донесе никакви поголеми проблеми во системот на телекомуникаци и GPS, иако професионалците се плашеа од тоа.

Соларната бура која почна во вторник, 9 август, траеше неколку часа, а како што изјави Џо Канчес, научник од владината агенција NOAA: „Имавме среќа што бурата избувна на страната на Сонцето која е на спротивна страна од Земјата. Имаше некои многу мали проблеми во Азија поради соларната бура, но тие беа краткотрајни. Во други делови на светот немаше никакви проблеми“, додаде Канчес.

Сонцето со години беше во состојба на мирување, па можеше да се прочита дека некои научници дури се плашат тоа да не се изгасне целосно, меѓутоа последните години Сончевата активност стана засилена, па следните години се очекуваат уште силни бури.

Соларните бури не се опасни за луѓето, затоа што не можат да ја пробијат атмосферата, можат евентуално да предизвикаат проблеми со разните телекомуникациски уреди на Земјата.

Силината на бурата се класифицира со буквите А, B, C, M и X од кои Х е најсилна, а оваа последната бура е класифицирана со силина од Х6.9.