Научниците предупредуваат: следната недела соларната бура ќе создава потешкотии со телекомуникацијата и GPS...

Три големи експлозии на Сонцето кои се случија во изминатите неколку дена се причина за предупредување на научниците од американската влада на корисниците на сателитска, телекомуникациска и електрична опрема кои треба да бидат подготвени на можни потешкотии во работата во следните денови поради соларната бура која наскоро ќе се развие.

„Соларната бура која следи ќе биде од умерено до јако ниво“, изјави Џозеф Канчес, научник. Додава дека оваа недела соларната бура би можела да ги загрози телекомуникациите и GPS сателитите и дека би можела да се појави aurora borealis (поларна светлина) која би била видлива од Минесота до Висконсин. „На скала од 1 до 5, надоаѓачката бура веројатно ќе биде означена со 2 или 3“, рече Канчес.

Reuters наведува дека сериозните потешкотии поради Сончевата активност се многу ретки, но во минатото се забележани неколку случаи. На пример, во 1989 година, околу шест милиони жители на Канада останале без електрична енергија, во 1859 година тогашната комуникациска врска била во прекин, а aurora borealis била видлива се до Карипските острови.

Соларниот максимум се очекува во 2013 година, а некои научници предвидуваат дека ќе има разорни катастофални последици.