Научниците од Алјаска откриле фосил од редок праисториски воден рептил, кој најверојатно претставува најкомплетен скелет од суштество пронајден на просторот на Северна Америка...

Речиси целосниот скелет му припаѓа на талатосаурус (thalattosaur) - морско суштество со долга опашка, кое опстанувало во топла вода за пиење во раното доба на диносаурусите и изумрело кон крајот на Тријас, пред 200 милиони години.

Фосилот е откриен за време на екстремни осеки долж бегот на националната шума Тонгас.

Поголемиот број откритија за остатоци од талатосаурус се во вид на поединечни коски или делови од коски, додека новопронајдениот фосил претставува речиси целосен скелет.

Научниците ископале дел од фосилот во јуни и сега го испитуваат за да откријат дали станува збор за непознат вид, со огледн на тоа дека во светот до сега се откриени 12 примероци од талатосауруси, соопшти Северниот музеј на универзитетот во Алјаска.

Геологот Џим Бајштал смета дека постои голема веројатност да биде во прашање непознат вид.

„Фосилот, кој личи на голем гуштер, пронајден е на југоистокот на Aлјаска, додека претходните остатоци од талатосаурус се откриени во Британска Колумбија, Канада, Невада, на Алпите, иако најдобрите остатоци се пронајдени во Кина“, рече тој.

Делот од пронајдениот фосил се наоѓа во Северниот музеј, а професионалците проценуваат дека целиот скелет е долг меѓу еден и три метери, при што третина од неговото тело го сочинува опашката.

Интересно е што на скелетот можат да се воочат остатоци од меко ткиво, што е исклучително ретко и може многу да помогне во откривањето на тоа како изгледа рептилот.

Научниците подоцна ќе го откопат и остатокот од фосилот кој и понатаму се наоѓа во каменот и се надеваат дека ќе го пронајдат черепот.