Истражувачите од британскиот Национален институт за медицински истражувања и нивните швајцарски колеги соопштиле дека го пронашле првото антитело кое може да се избори со сите видови на грипот А...

Според резултатите од експериментите направени на глувче заразено од грип, кои се објавени во научното списание Science Express, антителото може да биде употребено за „вонреден третман“.

Истражувачите изразија надеж дека со развој ќе се дојде до „единствена вакцина“, затоа што моментално за секоја зима мора да се подготвува посебен серум затоа што вирусот се менува.

Вирусолозите откритието го нарекоа „добар чекор напред“.

Бројни истражувачки групи ширум светот се обидуваат да развијат единствена вакцина. Потребно е да „нападнат“ нешто што е заедничко за секое заболување со грип, а што не се менува, односно не мутира.

Научниците испитале повеќе од 100.000 примероци имуни клетки земени од пацинентите кои се заболени од грип или примиле вакцина против тоа заболување.

Професионалците го изолирале антителото под назив FI6, чија мета е протеинот пронајден на површината на сите групи А и под називот „хемаглутинин“.

„Ги испитавме сите подвидови на грипот А и протеинот влијае на сите. Се надеваме дека ќе може да биде употребен во терапија со вшприцување на антителата со цел да се спречи инфекцијата“, рече научникот сер Џон Шекел од Национален институт за медицински истражувања.