Сопствениците на домашни милиеничиња се со подобра здравствена состојба и се посреќни од луѓето кои немаат миленичиња, покажаа резултатите од едно американско истражување...

Група психолози од универзитетот во Сент Луис во Мајами заклучиле дека миленичињата имаат многу важна социјална улога, дека можат да им овозможат на сопствениците создавање на голема самопочит и подобра здравствена состојба.

Физичкиот аспект од позитивното влијание на миленичињата опфаќа играње со нив, како и трчање, шетање... со што се одржува одредена физичка активност која може да спречи дури и појава на дебелеење.

Истражувањето е направено во три фази - за време на првата фаза учесниците, 217 на број, пополнувале прашалници за да бидат проценети елементите по кои се разликуваат сопствениците на домашни миленичиња од оние кои не се сопственици на домашни миленичиња.

За време на втората фаза испрашувани се 56 сопственици на кучиња за кои е утврдено дека ја поттикнуваат самодовербата, чувството на припадност и да му даваат смисла на постоењето. Во третата фаза, истражувањето покажало дека миленичето му помага на својот сопственик во моментите кога тој ќе се почувствува отфрлен, објавено е во научното списание JPP (Јournal of Personality and Psychology).