Вечерва излезе новото долгоочекувано видео на Лејди Гага, The Edge of Glory (Работ на славата)...

Овој пат немаше разуздани забави, воскреснати библиски ликови или чудовишта кои излегуваат откако ќе падне ноќта.

Всушност, во The Edge of Glory ништо не се случува, туку едноставно ја гледаме Гага како танцува и шетка наоколу во еден блок од Њујорк.

Што!?

Нешто навистина неочекувано од кралицата на шокот лично!

Всушност, ова би можело да биде наречено наједноставното видео на Лејди Гага во целата нејзина кариера, каде што дури не го ни променува костимот.

Нема дополнителни секвенци, ниту непотребни кадри, и видеото е долго исто колку и песната, само што за разлика од песната, овде гледаме движење.

Исто така во видеото со неа се појавува The Big Man, американскиот саксофонист, Кларенс Клемонс, кој воедно го свири солото на The Edge of Glory.

Гага навистина е на работ од славата... но дали на позитивниот или негативниот, за тоа пресудете сами.