Третиот и најнов студиски албум на Лејди Гага насловен како Born This Way протече на интернет...
Третиот студиски албум на Лејди Гага кој беше закажан за премиерно излегување на 23 мај оваа година, вчера илегално протече на интернет.
Кој ги пуштил песните на интернет се уште не се знае, но меѓу обожавателите на Гага се шушка дека се земени лично од компјутерот на ексцентричната поп дива.
Албумот е составен од 14 песни, од кои 4 веќе се објавени како официјални синглови (Born This Way, Judas, The Edge of Glory и Hair) и една песна како ремих (Scheide или Scheiße).
Born This Way има диско звук, со примеси на најразлични музички жанрови, а некои од новите песни се со примеси на звуци кои веројатно би ги слушнале само во црква.
Најновиот студиски албум на Гага ветува неколку добри летни хитови, како и песни со религиозна и политичка содржина кои веројатно ќе кренат прашина по официјалното објавување.
