Откако Џенифер Лопез го исплача Крис Медина кога тој го напушти Американскиот Идол, сега повторно плаче (и тоа уште посилно) за Џејмс Дарбин...

Избирањето на трите финалисти за Американскиот Идол би требало да биде среќна прилика за судиите.

Но, како сведок на кулминацијата од толку многу месеци работа, изгледа дека плачката Џенифер Лопез не се согласи со одлуката на публиката да го прати Џејмс Дарбин дома.

Со заминувањето на рокерот, остануваат тројцата финалисти Скоти Мекири, Лорин Алаина и Хејли Рејнхарт.

Дарбин, 22 години, кој беше речиси сигурен финалист, доби најмалку гласови од публиката и покрај пофалбата од судиите.

„Работев проклето напорно и се надевав да стигнам до таму!“, вели запрепастениот Дарбин, со солзи во неговите очи и по неговото лице.

„Но, направив многу работи што никогаш не беа направени на оваа шоу“, тврди тој. „Дојдов и го сторив тоа што сакав да го сторам, да му дадам шанса на металот.“