Според најновите информации, вториот сингл од албумот Born This Way, насловен како Judas, треба да излезе на 19 април...

Кога Лејди Гага беше гостин во Google за епизодата насловена како Google Goes Gaga, една обожавателка ја праша што стана со Гагавизија, мали клипчиња што ѕвездата ги правеше пред да стане популарна, Лејди Гага одговори дека покрај се што се случувало, немала време, но и рече дека би сакала да продолжи со тоа, затоа што и неа и се допаѓале.

Како што рече, не помина многу од Google Goes Gaga, кога Гага на својот официјален YouTube канал ја објави 41 епизода од Гагавизија.

Од новото клипче од Гагавизија дознаваме дека вториот сингл, Judas, ќе излезе на 19 април, за точно десет дена од сега.

На крајот од клипот Гага вели: „Ова ја заклучува 41 епизода од Гагавизија. Judas (Јуда) доаѓа. Нека започне културното крштевање!“, а дознаваме и дел од стиховите кои одат вака: „If they were not who you were taught that they would be, would you still believe?“ („Да не беа тоа што ве учеа дека ќе бидат, се уште ли ќе верувавте?“).

Гага вети дека песната и видеото кое ќе следи за истата ќе бидат вистинска шлаканица за црквата и дека веројатно ќе испровоцира повеќе од било кога досега.