Претстојната светска турнеја на Џенет Џексон веќе е вистински хит меѓу нејзините американски обожаватели. Билетите за концертот во Лос Анџелес биле распродадени за 10 минути...

Билетите за концертот на 14 април во Гибсон амфитеатарот за новата турнеја на Џексон, Number Ones: Up Close and Personal Tour, беа пуштени во продажба во петокот наутро и биле распродадени за неколку минути.

Портпаролот на компанијата, организатор на турнејата, Лајф Нејшн за весникот "Лос Анџелес тајмс" изјавил дека требало да додадете и нов датум на 15 април поради големиот интерес.

Џенет Џексон ги повика обожавателите да гласаат за 35-те градови, кои ќе бидат вклучени во нејзината турнеја. Нејзините први концерти ќе бидат во Сингапур, Хонг Конг и Манила.

"Овие концерти ќе бидат поразлични од се што сум правела досега. Основата во нив, нема да бидат специалните ефекти. Ова е љубовна приказна помеѓу мене и луѓето што ме поддржуваа во текот на годините. Ќе пеам и ќе играм со сето свое срце. Музиката ќе се состои целосно од песни, што вие ги направивте број еден за мене.", објавила пејачката во соопштението.