Личната колекција од грамафонски плочи на Елвис Присли ќе се продава на аукција во Лондон.
Кралот ги дал 26-те грамафонски плочи на гитаристот Скоти Мур во 1968 и побарал да ги презапише на аудио касети. Во вредната колекција на Присли се наоѓаат имињата на изведувачи како Реј Чарлс, Фатс Домино и Семи Дејвис Јуниор, на кои Кралот некогаш се восхитувал.
Неодамна Мур решил да ги продаде плочите, бидејќи Елвис никогаш не си ги побара назад.
"Тој ми го остави куфeрчето со плочите и побара ги презапишам и да му ги испратам аудио касетите, кога ќе бидат готови. Елвис никогаш не си ги побара плочите назад." рекол гитаристот.
Колекцијата на Елвис Присли ќе биде на аукција во Лондон и се претпоставува дека ќе биде продадена за 187 000 долари.
