Новата песна на Тоше Проески ќе биде откриена на Ѕвезденото небо...



Ромската песна „Евта пуране иконе“  или на македонски „Седум стари икони“, е испеана на оригинален ромски јазик и премиерно ќе биде претставена на 5 октомври на грандиозниот традиционален настан „Биди и ти дел од ѕвезденото небо на Тоше“.



„Годините поминуваат но, традицијата, верноста и посветеноста на фановите останува. И оваа година ве покануваме да бидете дел од настанот кој се одржува по осми пат во чест на последниот концерт на Тоше. Вашето присуство на годинешниот настан би ни причинило посебно задоволство. Ќе се запрашате зошто? Време е за нешто НОВО! Нови мелодии, нови ноти, нова љубовна приказна преточена во НОВА ПЕСНА која ќе биде уште еден доказ за неговата љубов и посветеност кон музиката“, пишува на поканата на Facebook страницата на Тоше Проески.

Новата песна е авторска и не е преработка. Автор на „Евта пуране иконе“ е режисерот Емир Кустурица, при што ова е првата песна од Тоше на ромски јазик.