Синоќа Фед Ле Гранд растури на брегот на Охридското Езеро...



На шестото издание на Хајнекен грин бич фестивал, Ди-џејот направил луда забава со 7.000 посетители, кои не сакале да си одат до зори. Синоќешниот музички спектакл со странските туристи на охридското крајбрежје е одлично загревање пред настапот на домашните диџеи, Боби, Ајсберг и Лефанк.

Еуфоријата од синоќа ќе биде запомнета и нема да се заборави уште долго време. Досега настапија Армин Ван Бурен, Пол Ван Дајк, Карл Кокс, Џон Дигвид, Фери Корстен, Роџер Санчез и други познати имиња.



Денес ќе продолжи екслузивниот македонски ди-џеј Кирил Џајковски, заедно со ТК Вондер и Ем-Си Васп. Вечерва во 21 часот започнува концертот со ди-џеј Ербил, потоа ди-џеј Синиша, Ана Мало & Еми Ермилова, Феки Фарис, Џајковски фт. ТК Вондер & Ем-Си Васп ќе се качат на бината околу 1 часот по полноќ, а потоа стапуваат Ајсберг и Лефанк на сцена. Да си знаат, сите оние што биле на синоќешната журка, со истиот билет ќе може бесплатно да влезат и на вториот ден од фестивалот.