Ако би живеел, дали Курт Кобејн денес ќе ја предводеше повратничката турнеја на Нирвана или упорно би бркал погрешна соло кариера...?

Тоа не е важно, неговите следбеници се благодарни и на фактот што ја земал гитарата во раката и ја споделил својата непријатност со светот. Наместо да пишуваме еден панегирик за славата на водачот на Нирвана, Курт Кобејн, ви донесуваме извадок од книгата на Чарлс Р. Крос, "Коса на Ангел", од многу најдобри биографии за Кобејн, во кои се опишуваат првите денови од последната глобална рок икона.

"Курт Доналд Кобејн е роден 20 Февруари, 1967 година во болницата на ридот над Абердин, Вашингтон. Неговите родители живееле во соседното Hoquiam,  но Абердин стои како родното место на Курт, бидејќи три четвртини од својот живот го поминал од десет милји од болницата и бил засекогаш длабоко поврзан со тој крај. Семејството на неговиот татко имал француски и ирски корења, а емигрирале од градот Skey Townland во областа Tyrone, во Ирска во 1875 година.

Од нив Курт ја наследил својата аголна брада. Семејството Fradenburg, од страната на неговата мајка, имало германски, ирски и англиски корења и од нив Курт ги наследил црвените образи и русата коса. Но, најупадливи обележја на неговото лице биле неговите преубави очи, дури и медицинските сестри во болницата ја прокоментирале нивната убавина.