Деби албумот на Susan Boyle "I Dreamed A Dream", кој излезе пред четири недели, е на пат да се претвори во најпродаван во Британија оваа година, објави Официјалната чарт компанија (OCC).
Албумот на Boyle бил продаден во над 1.4 милиони копии и го помина "The Fame" од Лејди Гага. На трето место е албумот на Kings of Leon "Only By The Night", а на четвртото Michael Buble "Crazy Love". На петто место се Black Eyed Peas со "The End".
OCC, продажбата на албумот на Boyle ја нарече како "исклучително достигнување", бидејќи 48-годишната ѕвезда, не беше позната пред појавата во шоуто "Britain's Got Talent" во април. Минатата недела списанието "Billboard" објави дека албумот на Susan Boyle бил продаден во САД во 1,8 милиони копии, остана само "Fearless" од Taylor Swift со 2,7 милиони копии.
