Иако направил бројни скандали, ништо не предизвикало толкаво внимание кај медиумите, колку неговата изјава дека ќе се повлече од музиката...



Младиот музичар Џастин Бибер изјавил во интервју за радио Лос Анџелес дека повеќе нема да се занимава со музика.

„По објавувањето на мојот нов албум, се повлекувам од музиката. Сакам да растам како уметник, да созрее мојата музика“, изјавил Бибер, додавајќи дека парите не му значат како мотив за работа.

„Се што правам, го правам за моите обожаватели и музиката. Не ми се допаѓа луѓето да мислат дека сум арогантен и вообразен. Отсекогаш бев човек што се грижи за другите“, рекол Бибер.

Додека некои се загрижени и разочарани поради известувањето за неговото повлекување, многу светски медиуми го сфаќаат ова само како маркетиншки трик на Бибер.