Познатата пејачка Ени Ленокс ги критикува модерните музички видеа со провокативни настапи на сцената...

„Јас сум за слобода на изразување, но ова отиде премногу далеку и јасно влегува во доменот на порнографијата. Како да ги спречите вашите деца да не гледаат такви работи? Тоа е толку моќно. Вие не сакате вашите 7-годишна ќерка да гледа twerking(провокативно играње) на сите страни“, рекла британската музичка легенда за радио BBC 5 и додала дека видео-спотовите со сексуална содржина треба да имаат етикета, која означува дека станува збор за материјал, само за возрасни личности(18 +, и слично).

Многу музички ѕвезди како Мајли Сајрус, Ники Минаж, Бритни Спирс и Ријана, беа критикувани поради експлицитните настапи.

Ленокс вели дека нема ништо против наведените пејачки и нивните провокативни настапи, но смета дека нивните експлицитни настапи и видеа треба да бидат означени дека се за возрасни.