Финалистката од натпреварот "Британија бара талент" Сузан Бојл ќе сними дует со кралот на рокот Елвис Присли во обработка на песната Oh Come All Ye Faithful...

Сузан Бојл веќе оствари дел од своите соништа, качувајќи се на една сцена со ѕвезди како Елејн Пејџ и Дони Озменд, откако стана позната со улогата во "Британија бара талент". Сега шкотската пејачка ќе изврши уште една своја долгогодишна амбиција, како пее со самиот крал на рокот, Елвис Присли.

Таа ќе издаде својот прв Божиќен албум, наречен Home For Christmas, токму во периодот на празниците и ветува пријатни изненадувања на своите обожаватели. Сузан ќе стане првиот британски музичар кој снима дует со Елвис со обработка на познатата новогодишна песна Oh Come All Ye Faithful, соопштуваат светското списание "People".

Бојл, која е верен обожавател на кралот, признава пред изданието дека за неа дуетот е сон. Пејачката се приклучи на ѕвездите како Селин Дион и Френк Синатра, кои исто направија дует со починатиот Елвис благодарение на чудата на техниката.

"Пораснав слушајќи го Елвис и пеејќи со него. Не мислев дека ќе биде можно да направите дует со него. Нели е брилијантна технологијата?", вели не криејќи ја радоста пејачката.

Таа ќе посвети песна на нејзиниот татко, кој исто така бил голем обожавател на Присли. Божиќниот албум на Сузан Бојл , кој е петти во нејзината кариерата ќе биде издаден на 25 ноември.