Наесен ќе бидат објавени три песни од дуетот - фронтменот на "Queen" Фреди Меркјури и Мајкл Џексон, кои ги снимиле уште пред 30 години...


 
Брајан Mеј, гитаристот од легендарниот британски бенд, потврди за лондонски "Тајмс" дека три песни снимени од Меркјури и кралот на поп-музиката Џексон цо 1983 година, ќе бидат за прв пат објавени кон крајот на септември.

Двајцата „музички гиганти“ работеле заедно пред 30 години во Калифорнија, но никогаш не го објавиле тој материјал.

Соработката помеѓу двајцата музичари, кои се состанале за време на американската турнеја на групата "Queen" не поминала без проблеми, особено кога Џексон донел лама во студиото.

Тогашниот менаџер на Меркјури, Џими, раскажал дека Фреди го повикал и побарал да го "исфрли од студиото, бидејќи не сака да снима со лама".

Пејачот на групата "Queen" подоцна изјавил дека му е жал што повторно не се сретнал со Џексон за да го заврши снимањето, наведувајќи дека една од песните требало да се појави на познатиот албум "Трилер".