Лејди Гага ја предводи листата на списанието "Форбс" на највлијателните музичари во светот за 2013 година. 27-годишната пејачка беше ставена на прво место на листата, составена врз основа на приходи, влијание на социјалните мрежи и присуство во медиумите, благодарение на својата светска турнеја "Born This Way"...

Тоа и донесе приходи од 168 милиони долари, иако беше принудена да ја откаже поради повреда на бедрото.

Ексцентричната пејачка, која го освои првото место во рангирањето на "Форбс" на највлијателните личности во светот, е активен корисник на социјалните мрежи и секојдневно комуницира со своите 38,5 милиони обожаватели на Твитер и 57,9 милиони фанови на Фејсбук, кои ги нарекува "мали чудовишта".

Второ место на листата го зазема Бијонсе, чија светска турнеја "Mrs. Carter World Tour" и носи на два милиони долари на концерт. Мадона е на третото место со турнеја "MDNA Tour", која и донесе над 305 милиони долари. Тејлор Свифт е на четвртото место благодарение на огромниот успех на нејзиниот нов албум "Red", а рокерите од Бон Џови се петти, со својата светска турнеја "Because We Can".

Колдплеј, кои се на деветтото место, се единствените британски музичари кои влегуваат во првите десет каде доминираат американците, откако светската турнеја им донесе 3 милиони долари на концерт. Во десетката падна уштеи Џастин Бибер, Џенифер Лопез, Ријана и Кети Пери.