Бон Џови и неговата група се откажуваат од хонорарот за концертот во Мадрид на 27 јуни и ќе свират бесплатно поради кризата во Шпанија...

По пораката објавена на официјалниот сајт на бандот, билетите за настанот во Мадрид остро поевтинија и веднаш беа распродадени.

За споредба: билет за концертот на Бон Џови во Манчестер, кој ќе се одржи следната недела, чини во просек 76 евра, додека билет за шоуто во Мадрид - 18 евра. Најскапите билети за концертот во шпанската престолнина се по 39 евра.

"Поради кризата во Шпанија шоуто во Мадрид, во принцип беше доведено во прашање. А потоа, кога беше потврдено дека сепак ќе се одржи, сфативме дека многу наши шпански фанови не би можеле да купат билети. Затоа решивме да се откажеме од хонорарот и така да ги намалиме трошоците на организаторите", откри 51-годишниот Џон Бон Џови.