Овој викенд H&M пгорослави почетокот на Coachella - еден од најпопуларните музички фестивали, со ексклузивен настан во Палм Спрингс, САД...
Забавата собра речиси 500 лица, кои имаа можност да уживаат во настапите на Santigold, The Dough Rollers, DJ Shorty Stump и DJ Michelle Pesce. Меѓу гостите на "H&M Loves Music" беа Дајан Кригер, Џошуа Џексон, Џулијан Хоуг, Дарен Крис, Софија Буш и Џастин Чатуин. Тие сите беа облечени во модели од актуелната колекција на модниот бренд, посветена на фестивалот на модата - Divided Music & Festivals.
Оваа пролет H&M Divided претставува три збирки, обединети од темата за музиката и летните фестивали - без разлика дали станува збор за пустинската топлина на фестивали како Coachella, за непредвидливото време на британскиот Glastonbury или бескрајните летни забави на Ibiza. Освен моделите облека за девојки и момчиња, колекциите вклучуваат и додатоци, од кои секој фан на фестивалот има потреба, како на пример костими за капење, мантили-пончо, гумени чизми и колекции "Направи си сам".
Првиот дел од збирките Divided Music & Festivals инспирирана од Coachella, веќе може да се најде во продавниците на H&M.. Останатите две - посветени на Glastonbury и Ibiza, ќе бидат достапни во текот на мај и јуни.
