Новите песни веќе наголемо се „печат“, а албумот би требало да биде објавен кон крајот на летото кога пејачката планира да тргне на светска турнеја.

Кајли Миног веќе неколку месеци собира материјал за дванаесеттиот студиски албум, а продуцентот Родни Џеркинс, познат под името Darkchild не можел, а да не се пофали за соработката со „џепната Венера“.

„Неверојатно задоволство ми е да работам со Кајли. Во студиото сме веќе неколку дена и се оди по план“, напишал тој на Twitter.

Кајли последниот студиски албум Aphrodite го издаде во 2010 година, а во меѓувреме прослави 25 години и повеќе од успешна кариера и објави неколку различни компилации со хитови и провокативен спот за синглот Timebomb.