Емели Санде со синглот Here It Comes не го најавува својот нов албум, туку најновото остварување на оскаровецот Дени Бојл, филмот „Транс“.

Музиката за овој психолошки трилер ја компонирал Рик Смит, член на групата Underworld, а една од песните ја испеала бившата девојка на режисерот, Росарио Досон, која во филмот ја игра главната улога.

Дени и Рик со години соработуваат, а последното што го работеа заедно била церемонијата на отварање на Олимписките игри во Лондон на која Емели беше една од главните ѕвезди, а нејзината музика на режисерот делумно го инспирирала за главната женска улога.

„Емели навистина ме воодушеви кога заедно работевме на Олимиписките игри. Таа е многу талентирана и приземна млада жена. Во неа препознав некои аспекти од ликот кој го толкува Розарио.“